អ្នកចាំទីនៅចិន រវល់តែផឹកទឹក អោយគេស៊ុតចូលស្រួលៗ
ក្រុម Chongqing Lifan ត្រូវក្រុម Liaoning តាមស្មើ ១-១ ក្នុងពាន Chinese Super League ក្រោយពីអ្នកចាំទី Sui Weijie រវល់តែផឹកទឹក អត់ការពារមុខទី ធ្វើអោយគេស៊ុតចូលស្រួលៗ។
យោងតាមសាព័ត៌មាន Xinhua បានឲ្យដឹងថាការធ្វេសប្រហែសនេះ ធ្វើឲ្យ Sui ត្រូវក្លិបពិន័យ៥ម៉ឺនយាន់ (ជាង៨ពាន់ដុល្លារ) និងអាចរងបម្រាមមិនឲ្យប្រកួតក្រោយផងដែរ។
បើតាមវីដេអូខាងក្រោម បានបង្ហាញថាអ្នកចាំទីរបស់ក្រុម Chongqing Lifan រូបនេះ បានដើរទៅជិតបង្គោលទីម្ខាង ដើម្បីយកទឹកផឹក ដោយទុកឲ្យប្រលោះទីនៅទំនេរ ធ្វើឲ្យខ្សែបម្រើ Ding Haifeng របស់ក្រុម Liaoning ស៊ុតបញ្ចូលទីដោយមិនបាច់ប្រឹង។
មួយគ្រាប់នោះ គឺពិតជារឿងខកចិត្តណាស់សម្រាប់ក្រុមទាំងមូល ដោយសារក្រុមនេះកំពុងស្ថិតក្បែរតំបន់ដែលត្រូវកាត់ចេញ ហើយនៅសល់តែ៧នាទីទៀតប៉ុណ្ណោះនឹងចប់ការប្រកួត មុនគ្រាប់បាល់តាមស្មើនោះ។
តាមពិតទៅ ខ្សែការពារក៏ធ្វេសប្រហែសដែរ ដោយសារតែពេលនោះពួកគេកំពុងឈររៀបចំរបាំងសម្រាប់បិទបាល់ហ្រ្វីឃីក តែកីឡាករក្រុម Liaoning បានលេងហ្រ្វីឃីកលឿនៗបានយ៉ាងល្អ។
ការប្រកួតបានបញ្ចប់ទៅដោយលទ្ធផល ១-១ ដែលធ្វើឲ្យក្រុម Chongqing Lifan មានតែ១ពិន្ទុប៉ុណ្ណោះលើតំបន់កាត់ចេញ៕
ចុចអាន៖ កីឡាការិនីវៀតណាមបំបែកកំណត់ត្រាពិភពលោក ទាត់បាល់ជ្រុងចូលទី២គ្រាប់ក្នុងមួយប្រកួត
ដោយ៖ សុវត្ថិ
ប្រភព៖ goal, xinhua
